Усіх, хто завітае 1 жніўня ў дворык знакавага сталічнага клуба TNT чакае збор песняў гурта самых розных перыядаў. У акустыцы прагучаць як вядомыя трэкі з альбомаў, так і "кухонны" рэпертуар. Не абыдзецца і без пары "свежакоў". Мутнаевока здаўна вядомы мясцоваму слухачу як гурт, што не толькі ўзрывае электрычнасцю на буйных пляцоўках, але і ладзіць акустыку з лірычным настроем, дзе можна адчуць сябе персанажам песняў, спяваць разам ці задуменна слухаць. Але ў любым выпадку не застацца памяркоўным. Дзве гадзіны драйвовага анпладжэту, вершы, проза, поўны кантакт, суцэльная свабода...

Выдатная нагода сустрэць першы дзень апошняга летняга месяца разам з мутнымі!

Дзе: дворык клуба TNT

Калі: 1 жніўня, 20:00

Уваход вольны