16+

Прымітывы

Даты показа:
12 января
Длительность:
75 мин.
Место проведения:
Возрастные ограничения:
16+

Внимание!

Отмена спектакля на 12.04.2020!

Все билеты, приобретенные на показ на 12.04.2020, будут действительны на любые другие даты спектаклей «АРТ Корпорейшн».

Для возврата билетов либо согласования иной даты спектакля по билетам, указанным выше, обращайтесь в нашу службу технической поддержки:

+375 25 603 87 43

 

Спектакль«Прымітывы»

 

Аўтар п’есы: Аляксей Андрэеў

Рэжысёр: Аляксандр Марчанка

Мастачка: Ганна Балаш

Музычнае суправаджэнне: Дзмітрый Лук’янчык

Выканаўца: Алесь Малчанаў

 

Працягласць: 1 гадзіна 15 хвілін (без антракту)

Мова: беларуская, руская

Партнёр праекта «Лятучы ўніверсітэт».

 

Алена Кіш – мастачка-самавучка з індывідуальным поглядам на сусвет і творчасць, жанчына без свайго дома і сям’і, творца, ад якой засталася толькі легенда. Спектакль «Прымітывы» рэжысера Аляксандра Марчанкі вяртае да сучаснасці трагічную гісторыю Алены Кіш. Беларуская мастачка з наваколля Слуцка зарабляла на жыццё, ствараючы «дываны-маляванкі» для вясковых жыхароў. У пастаноўцы асоба і лёс Алены Кіш становяцца ўвасабленнем часу, які не прымае інакавасць.

 

Тэатральны праект «Прымітывы» пабудаваны на матэрыялах пра жыццё Алены Кіш: дзённікавых запісах аднавяскоўца Кіш, Грыгорыя Гардзея, які апісваў будні вёскі, дзе яны жылі; газетных артыкулах таго часу. Важнай часткай тэатральнага даследавання з’яўляюцца разважанні нашых сучаснікаў – мастакоў, гісторыкоў, культуролагаў – аб значэнні асобы і творчасці мастачкі ў грамадстве, дзе паняцце «мастачка» па-ранейшаму ўспрымаецца далёкім ад сацыяльнага жыцця.

 

Ад стваральнікаў праекта:

 

– Гісторыя праекта «вырасла» з нашых розных, але вельмі асабістых адносін не толькі і не столькі да творчасці Алены Кіш, колькі да яе трагічнага лёсу. Мы збіралі матэрыял для п’есы ў падарожжах па Беларусі, у архівах і бібліятэках. Думалі аб культурнай і эмацыйнай памяці, аб ідэнтычнасці, якая будуецца на гэтай памяці. Аб вечна асаблівай ролі мастака ў жыцці грамадства, які заўсёды ўспрымаецца грамадствам як нешта неабавязковае і залішняе; а мастачка ў «традыцыйнай» культуры – гэта яшчэ і выклік гэтаму грамадству. Думалі аб папулярызацыі мастацкай спадчыны, якая часта становіцца спрашчэннем і спекуляцыяй. Мы думалі аб тым часе, які быў бязлітасны не толькі да Алены Кіш, але і да мільёнаў нашых суайчыннікаў, яе сучаснікаў, якія прайшлі праз жахі калектывізацыі, гвалтоўнага перасялення, рэпрэсіі. Пра час, які не толькі тады, але і цяпер не трывае інакавасці і не пакідае свабоды для творчасці. Мы думалі. І працягваем думаць.

 

Наш праект – гэта не толькі пастаноўка спектакля, але і дыскусія вакол яго. Яна павінна вывесці ў грамадскае абмеркаванне тэмы, закранутыя ў «Прымітывах». Да гэтай дыскусіі мы запрашаем не толькі экспертаў ў галіне культуры, але і ўсіх зацікаўленых гледачоў, якія паглядзяць спектакль.

 

Месца правядзення: Культурны хаб Ок16 (Кастрычніцкая, 16/27)

 

Организатор: Центр визуальных и исполнительских искусств «АРТ Корпорейшн»

Читать описание

Купить билеты на Прымітывы , стоимость билетов - 0.00 BYN.