Гісторыя кахання в городе Минск

Эрык Сігал

ГІСТОРЫЯ КАХАННЯ

Меладрама на 2-е дзеі паводле аднайменнай аповесці

Прэм’ера – 5 верасня 2021 года.

Пераклад на беларускую мову Святланы Дашкевіч

Інсцэніроўка, пастаноўка і музычнае афармленне

заслужанага дзеяча мастацтваў Расійскай Федэрацыі Юрыя Пахомава

Сцэнаграфія і касцюмы Андрэя Проніна

Харэаграфія Дзіяны Юрчанка

Гэта гісторыя пра каханне. Каханне шчырае і сапраўднае. Гісторыя пра спачуванне, разуменне, дапамогу блізкаму чалавеку. Гісторыя пра здольнасць ахвяраваць дзеля высокага пачуцця. Твор, напісаны ў 70-я гады XX стагоддзя, гучыць востра і актуальна менавіта сёння, калі ў адносінах людзей стала больш цынізму і разліку. Усе імкнуцца да забяспечанасці, багацця і разам з тым мараць пра тонкія адчуванні. Вось такая супярэчлівасць нашага жыцця.

У цэнтры падзей спектакля кранальнае і трагічнае каханне Олівера Барэта да Джэніфер Кавілеры. Ён – паспяховы студэнт з Гарварда, будучы юрыст, імкнецца пазбавіцца ад уплыву бацькі-мільянера і стаць самастойным. Яна – дачка беднага італьянскага эмігранта, таленавітая перспектыўная навучэнка музычнага каледжа, разумная, наравістая. На жаль, на іх шляху ўзнікае шмат перашкод: і нязгода заможнага бацькі Олівера на шлюб закаханых, і далейшыя матэрыяльныя нястачы... Але самае моцнае выпрабаванне лёсу чакала іх наперадзе...