Ноч музеяў: Зорны час в городе Минск

Ноч музеяў – ці не самая яркая падзея ў культурным жыцці краіны ў маі.
 

Літаратурны музей Максіма Багдановіча традыцыйна далучаецца да свята і прапануе наведвальнікам разам прабавіць вечар, ноч і як яно там пойдзе далей.

“Зорны час” – менавіта касмічная тэматыка будзе лейтматывам мерапрыемства. Звяртаем вашу ўвагу, што пачнецца ўсё з дзіцячай праграмы а 17-й гадзіне.

Для самых маленькіх – спектакль Таццяны Крыцкай “Палахлівае мышаня” і інтэрактыўная праграма пісьменніцы Кацярыны Хадасевіч-Лісавой – “Касмічныя прыгоды Вухуціка”.

Можна паўдзельнічаць у майстар-класах па візуальнай паэзіі, выканаць творчыя заданні на развіццё фантазіі, паслухаць пра вершы, якія ляталі ў космас.

А 19-й гадзіне распачынаецца асноўная праграма:

• музычныя выступленні фолк-праекта “BRAMA MORA” і Ільі Шынкарэнкі;
• модны паказ брэнда “TIKOTA UNIQUE” і яго стваральніцы КацярынытБезрукавай;
• інтэлектуальныя забаўкі – квіз “Дакрануцца да зор” і квэст “Выканаць немагчыма”;
• монаспектакль Аляксея Кулакова “Гражданин Луны” і ценевы тэатр «Зорны ровар» ад музейных супрацоўнікаў (паводле твораў Пятра Васючэнкі);
• лекцыя астрафізіка Аляксандра Мурашкі і стварэнне задыякальнага модуля з Марыяй Бугаёвай;
• курс “літаратурнай касмаграфіі” ад Міхала Бараноўскага па пошуку сваіх зорак, каб было што пачытаць, калі вырашыце здзейсніць міжзорнае падарожжа.
   

  І гэта яшчэ не ўсё!.. Паехалі!

  Уваходны квіток – 20 рублёў і 15 рублёў для дзяцей (да трох гадоў - бясплатна)

  Чакаем вас па адрасе: г. Мінск, вул. М.Багдановіча, 7а.