Беларусі яшчэ доўга трэба будзе асэнсоўваць сваё існаванне ў постчарнобыльскую эпоху. Асабліва гэта важна для тых, хто нарадзіўся тады, калі катастрофа на Чарнобыльскай АЭС стала далёкім мінулым. У фільме тэма ўздымаецца на прыкладзе адной сям’і, якая жыве ў вёсцы Брагінскага раёна, што знаходзіцца ў зоне з правам на адсяленне. За плынню будзённасці паўстаюць надзённыя пытанні прызвычаенасці і незваротнасці такога існавання чалавека, дзе ў людзей ёсць толькі выбар змены месца пражывання.. Але ці ўратуе гэта становішча? Фільм адлюстроўвае аўтарскі погляд на жыццё беларуса ў постчарнобыльскай сітуацыі.